Hugskot til stimbran

Her eru nógv hugskot, sum eg havi samlað, millum ár og dag, til 

andlits og munnvenjingar, og 

longri niðri á síðuni, til stimbran av hondunum

Vel út og skift so um. 

Ikki gera alt samstundis :) 

og minnist til - at øll duga ikki alt! - men øll duga okkurt!

Tungu-venjingar 

Tungu-venjingar venja rørslurnar hjá tunguni.

• Slikka t.d nuggeline ella joghurt av varrunum.
• Slikka t.d. nuggeline ella joghurt aftanfyri framtennirnar.
• Slikka slikkipinn ella ís.
• Tak poppcorn, cornflakes ella líknandi upp við tunguni.
• Royn at fáa tunguna skiftivís at náa nøsina og høkuna.
• Royn at fáa tunguna at slikka runt varrarnar.
• Royn at fáa tunguna skiftvís at náa høgra og vinstra oyra.
• Tungan skal reinsa uttaru- og síðani innaru síðuna av tonnunum.
• Tungan skal gera eina rullu (øll fólk duga ikki hetta!).
• Koyr tunguna skiftivís út í høgra og vinstra kjálka, sum um tú hevur eitt stórt bomm í kjálkanum.
• “Klikka” við tunguni.
• Syng “tra-la-la-la-la-la” (ger nógv av)
• Sig ”rrrrrrrrrrrrr”

 

Súgvi-venjingar

Súgvi-venjingarnar venja musklarnar sum lata munnin aftur, tunguna og eisini tað at vit svølgja.

• Sutta ísterning.
• Brúka ymisk súgvirør allar longdir og tjúgdir til at súgva: saft/vatn, yoghurt, milkshake, softice.
• Súgv t.d. pappír, silkipappír, kliptar figurar o.a. upp við súgvirøri og flyt tey.

Tyggivenjingar

Tyggivenjingar venja allar musklarnar í munninum.

• Tygg/et gularrót, súrepli ella knekkbreyð.
• Tygg tyggigummi. 
• tygg tað saman.
• smaska nógv meðan tú tyggir.
• trýst tað flatt við varrunum.
• ger tyggigummið til eina kúlu – brúka tunguna.
• rulla tað, við tunguni, til eina slangu.
• ger tað til eina pannukøku – trýst tað við tunguni undir góman.
• trýst tunguna í gjøgnum tyggigummið, meðan tú heldur tyggigummiinum føstum millum tennirnar.
• ger bløðrur.
• legg tyggigummið (við tunguni) undir tunguna.
• finnið sjálvi uppá =)

Blási-venjingar

Blásivenjingar venja serliga musklarnir í og rundan um munnin, og eisini tað at anda út.

• Blás luft í kjálkarnar – hald luftini so leingi tú kann, flyt síðani luftina frá kjálka til kjálka.
• Blás fjarðar, vatt, bóltar.
• Blás stearinljós.
• Blás í vatn, mjólk, sápuvatn ígjøgnum súgvirør.
• Blás sápublørður.
• Blás í ballón.
• Blás serpentiner.
• Blás tyggigummi blørður.
• Ymiskar floytir.
• Anda á spegl.
• Spæl á kamb.

Varravenjingar

Varravenjingarnar venja og styrkja varrarnar.

•   Indianaraljóð (klappa varliga á munnin hjá barninum ímeðan barnið sigur eitt langt ljóð) ger tað sama á tín egna munn.
• Tá ið barnið sigur ljóð við afturlatnum munni, trýst undirvørruna niður soleiðis at hon fer uppaftur av sær sjálvum.
• Sig “brrrr” og fá varrarnar at vibrera skjótt, fá barnið at gera tað sama.

• Tak rosinur/piparnøtur/smarties ella annað upp við varrunum og tygg.
• Et “lissur” við varrunum, og hav hendurnar á rygginum.
• Lat munnin aftur, og smíl – heilt aftur til oyruni.
• Spíska munnin – sum tá ið tú floytar.
• Floyta.
• Lat yvirvørruna goyma undirvørruna/ lat undirvørruna goyma yvirvørrina.
• Goym báðar varrar.

Hugskot til stimbran av hondunum  

Brúk av báðum hondum

•  Halda kasta og lofta stórar bóltar, sum krevja at man brúkar báðar hendur      
• Spæla við leikur sum krevja at man brúkar báðar hendur t.d. hála sundur og byggja samanaftur (lego)
• Tegna við fingur máling, el.l við báðum hondum
• Rulla slangur og bóltar við gandadeiggj.
• Rulla deiggj við bakirullu
• Brúka hendurnar at gera rútmu. 
• Klappa á lørini ella á ljóðføri.

Brúka báðar hendur – men ikki líka

•            Skræða pappír
•           Dribla ein bólt
•            Gera rútmu við ljóðføri
•            Klappa (klappispøl)

Bilateral - (onnur hondin ger arbeiðið)

•  Skrúva lok av og á krukkum við ymiskum støddum
•  Klippa við saksi
•  Skriva tegna
•  Viska við viskileguri
•  Spíska blýantar
•  Seyma
•  Perla

Stabilitet í økslini

•             Tekna á talvu
•             Turka og vaska talvu ella vindeygu
•             Hyggja sjónvarp meðan man liggur á búkinum, hvílandi á búkinum og ørmunum
•             Ganga trillibøru
•             Á búkinum á rullibretti hála seg fram
•            Kasta bólt – (upp um høvdið við bóltinum)

Stimbra hondina (2 og 2 fingrar)

•             Spæla við plantusprayara – har tummil, ringfingur og lítlifingur halda um fløskuna og peikifingur og longutong spraya – sproyta vindeygu, talvu borð el.l
•             Spæla spæl har man brúkar pincet
•             Spæla spæl har man brúkar klemmir
• Gev barninum okkurt at klippa. Vegleið barnið at halda rætt í saksinum. Um barnið hevur trupult við at klippa eina linju , fýrakat ella runding, byrja við tí sum barnið klárar. 

skriva til mín, og sig hvat tú ynskir,
so sendi eg fegin ein fíl, sum tú kann printa út
ergoterapi@outlook.com